މީގެ ދެދުވަސް ކުރިން 17 ފެބްރުއަރީގައި އެކި ރަށްރަށުން މީހުން ޖަމާކުރަން ފެށީ އިންސާފުގެ ދަތުރުގެ ނަމުގައި މިގައުމުގައި އަދުލު އިންސާފު ގާއިމުކޮށްދިނުމަށް ގޮވާލާފައެވެ. ނުވަތަ އަދުލުއިންސާފު ގާއިމުކުރުމަށް ބާރު އެޅުމަށް ސަރުކާރަށް ހިތްވަރު ދިނުމަށެވެ. އަބްދުއްލޯ ގާޒީ ހައްޔަރުކުރުމަކީވެސް ގައުމުގައި އިންސާފު ގާއިމުކުރުމަށް ކުރި ކަމެއް ކަމުގައި ބުނަމުން ދިޔައެވެ.
ނަމަވެސް، މިއަދު މިވަނީ އެދަވަހު ބުނި މުޒާހަރާ ނުވަތަ އެއްވުމުގެ މަގުސަދު ބަދަލުވެފައެވެ. މިހާރު މިއީ އަމިއްލައަށް އިސްތިއުފާދެއްވި ކެނެރީގޭ ނަޝީދު އަނެއްކާވެސް ވެރިކަން ބޭނުންވެގެން އެބުރި ވެރިކަމަށް ގެނައުމަށް ބާއްވާ މުޒާހަރާއަކަށް މިވަނީ ބަދަލުވެފައެވެ. އަދުލުއިންސާފު ގާއިމުކުރުމުގެ ވާހަކަވަނީ ހުއްޓިފައެވެ. އެކަމުގެ މުހިއްމު ކަމުގެ ވާހަކައެއް ނުދެކެއެވެ.
މިހާރުގެ ހުރިހާވެސް ވާހަކައަކީ އިންސާފު ގާއިމުކުރުމަކީ އަމިއްލައަށް ހިތުން ރުހުމުގައި ތިމާއަށް ވެރިކަން ކުރަން ނޭނގިގެން އިސްތިއުފާދެއްވަން ޖެހިވަޑައިގެން ބޭފުޅާ އަނެއްކާވެސް ވެރިކަމަށް ގެނައުމަށް ކަމަށެވެ. އޯޑިޔޯތަކުންނާއި ފޮޓޯތަކުން ތިމަން އަމިއްލަ ރުހުމުގައި އިސްތިއުފާދިން ކަން އެނގޭއިރުވެސް ދޮގުހަދަމުން އެދަނީއެވެ. ޖެހިލުމެއް ލަދެއް ނެތެވެ. ހެޔޮވެރިކަމެއް މިފަދަ މީހަކަށް ކުރެވިދާނެ ހެއްޔެވެ؟
އަޅުގަނޑުމެން ދެކޭގޮތުގައި މައުމޫނަކަށް ޔާމީނަކަށް ހެޔޮވެރިކަމެއް ނުކުރެވޭނެއެވެ. އަދި މިހާރު ކަންތައް ފެންނަގޮތުން އަދި ވެރިކަމުގައި ހުންނަވައިގެން ކަންތައްކުރެއްވި ގޮތުން ރައީސް ނަޝީދަކަށްވެސް ހެޔޮވެރިކަމެއް ކުރެވޭނެ ކަމަކަށް ގަބޫލެއް ނުކުރެވެއެވެ. އެއީ ހެޔޮވެރިކަމެއް ކުރުމަށްޓަކައި ތިމާއަކީ ތެދުވެރި ގައުމަށް ހެޔޮއެދޭ މީހަކަށް ވާންޖެހެއެވެ.
Posts
0 comments: on "އެމްޑީޕީގެ މުޒާހަރާގެ މަގުސަދު ބަދަލުވެފައި"
Post a Comment