އަންނި އާއި އޭނާއަށް ތާއީދުކުރާ މަދު ބަޔަކު އަދިވެސް ހީކުރަނީ އަންނިއަކީ އެމްޑީޕީކަމަށެވެ. މިއީ ވަރަށް ބޮޑު ކުށް ހީއެކެވެ. އަންނި މީހަކަށް ހެދީ އެމްޑީޕީ މެމްބަރުންނެވެ. އެމީހުންގެ ފިކުރާއި މަސައްކަތެކެވެ. މައުމޫނު ހެން ވަކި ޕާޓީއެއް ހަދައިގެން ގޮސްފިނަމަ ސަޕޯޓަރުންނެއް، މަޖިލީހު މެމްބަރުންނެއް ނުތިބޭނެއެވެ. އެހެންކަމުން ވަގުތު ފާއިތުވުމުގެ ކުރިން ހޭވެރިކަންވާށެވެ.
އެމްޑީޕީއިން އެންމެ ފަހުން ބޭއްވި ޕާޓީގެ އެންމެ ބައިބޯ ގިނަ މެމްބަރުން އެކުލެވޭ ކޮންގުރެސްއިންވެސް މިމެސެޖުވަނީ ދީފައެވެ. އަންނި ބޭނުންވިގޮތަށް ޕާޓީގެ ރައީސްގެ މަގާމު އުވާލާކަށް މެމްބަރުން ބޭނުމެއް ނުވިއެވެ. އަދި އަންނި ބޭނުންވި ހުރިހާ ބަދަލުތަކެއް އަސާސީ ގަވާއިދަށް ގެނުމަކަށް ތާއީދެއްވެސް ނުކުރިމެވެ. އަނެއްކޮޅުން، ޕާޓީގެ އިންތިހާބީ މަގާމުތަކަށް މެމްބަރުން އިންތިހާބުކޮށްފައި އެތިބީ އަންނި ސަޕޯޓުކޮށް ކެމްޕޭންކޮށްދިން މިތުރުން ނޫން މީހުންނެވެ.
އަންނި ވެރިކަން ކުރި ގޮތާއި އަދި އެއަށް ފަހު ވެރިކަމުން އިސްތިއުފާދީ ހަދަން ފެށި ދޮގުތަކާ މެދު ހިތްހަމަ ނުޖެހޭ ބަޔަކު އެމްޑީޕީގައި އެބަ ތިއްބެއެވެ. އަދި މިކަމާ ގުޅިގެން އަންނި ބައްޓަން ކުރި ގަދަބާރުން ކަންތައްތައް ކުރުމުގެ ސިޔާސަތުގެ ސަބަބުން އެމްޑީޕީ ސިޔާސީ މައިދާނުން މިވަނީ އެކަހެރިވެފައެވެ. އެހެން އެންމެން އެމްޑީޕީއާ ދެކޮޅަށް ޖެހިފައެވެ. ކުރިން މައުމޫނާ މެދު މީހުން ކުރި ނަފުރަތު އެކޮޅުކޮޅުން ޖެހި އެމްޑީޕީ ބާކީވެ، ސިޔާސީ ގޮތުން ބަލިކަށިވެފައެވެ.
މަޖިލީހުގެ އިންތިހާބާއި ރިޔާސީ އިންތިހާބެއްގައި ވޯޓެއް ކާމިޔާބު ކުރެވޭނީ ޕާޓީގެ ހުރިހާ އެންމެން ލައްވައި ވޯޓުލައްވައި އަދި އޭގެ އިތުރުން އެހެން އެތަކެއް ބައްޔެއްގެ ވޯޓުވެސް ހޯދައިގެންނެވެ. މިއީ ސިޔާސީ ހަގީގަތްކަމަށްވާއިރު އަދި ނިމިގެން ދިޔަ އިންތިހާބުގެ ނަތީޖާތަކަށް ބަލާއިރު، އެމްޑީޕީގެ ރިޔާސީ ކެޑިޑޭޓަކަށް އަންނި ނެރިގެން އިންތިހާބެއް ކާމިޔާބު ކުރުމަކީ ނުވާނެކަމެކެވެ. އެއީ ޕާޓީގެ މެމްބަރުންގެ އިތުބާރު ނެތުމާއި ޕާޓީގެ ބޭރުން އެއްވެސް ތާއީދެއް ނެތުމެވެ.
ގަބޫލުކުރަން ބޭނުން ނުވިޔަސް ހިތި ހަގީގަތަކީ މިއީއެކެވެ. ޕާޓީއަށް ހެޔޮއެދޭ ނަމަ، އަންނި ފަހަތަށް ޖެހި އެމްޑީޕީ ރުކުރުވާލުމަށް ފުރުސަތު ދޭން ޖެހެއެވެ. އެތެރޭގެ ޑިމޮކުރަސީ ވަރުގަދަވާން ޖެހެއެވެ. ޑިމޮކުރަޓިކް ޕާޓީއެއްގައި އެންމެ ކެޑިޑޭޓެއް ރިޔާސީ ޓިކެޓު ބޭނުންވެގެން އުޅުމަކީ ޕާޓީއާ މެދު މެމްބަރުންގެ އިތުބާރު ގެއްލިފައިވާ ކަމުގެ ހެއްކެކެވެ. އަދި އިންތިހާބީ މަގާމުތަކަށް ގިނަ ބަޔަކު ވާދަކުރަން ބޭނުން ނުވުމަކީވެސް އޭގެ އަލާމާތެކެވެ.
އަންނި އެމްޑީޕީގެ ޓިކެޓުގައި ރިޔާސީ އިންތިހާބާ ކުރިމަތިލައިގެން ބަލިވުމަށް ވުރެ، ބުއްދިވެރީ ޕާޓިގެ އެތެރޭގެ ޑިމޮކުރަސީ ވަރުގަދަކޮށް 2013 އަށް ތައްޔާރުވުމަށްޓަކައި ހަރުދަނާ ސިޔާސަތުތަކެއް ހެދުމެވެ. އަދި ރިޔާސީ ޕުރައިމަރީ ލަސްކޮށް، ކޮންގުރެސް ބާއްވާ އަސާސީ ގަވާއިދު އިސްލާހުކޮށް އިންތިހާބީ މަގާމުތައް ބާރުވެރިކުރުވައި، މެމްބަރުންގެ ގެއްލިފައިވާ އިތުބާރު ހޯދައި، އެހެން ޕާޓީތަކާ ކޯލިޝަނެއް ހެދުމަށް މަގުކޮށުމެވެ. އަދި ކުރިން އަންނި ގެންގުޅުނު ސިޔާސަތުތަކާ ދުރުވުމެވެ.
ކޫ ގޭމް ޖައްސައިގެން އެމްޑީޕީއަށް ލިބޭނެ ނުވަތަ ލިބުނު ކުރިއެރުމެއް ނެތެވެ. އެހެން ނޫނަސް އެކަމުގައި ހަގީގަތެއް އޮތްނަމަ އެކަން ތަހުގީގުކުރުމަށް އެމްޑީޕީއިން ބާރުއަޅައި އެކަން ސާބިތުކޮށްދީ، ޝައްކުގައި ތިބި މީހުންގެ އިތުބާރު ހޯދައިދޭން ޖެހެއެވެ. ދެއަތަށް ދެމޭ ވާހަކަ ދެއްކިއަކަށް ވާނެ ކަމެއް ނޯންނާނެއެވެ. އިންތިހާބޭ ގޮވައިގެން އިންތިހާބު ބޭއްވުނަސް އިންތިހާބެއްގައި އަންނިއަށް ނުވަތަ އެމްޑީޕީ އެކަނި މާ އެކަނި ކާމިޔާބެއް ހޯދިދާނެކަމާމެދު މިހާރު ޝައްކެވެ.
އެމްޑީޕީއިން އެންމެ ފަހުން ބޭއްވި ޕާޓީގެ އެންމެ ބައިބޯ ގިނަ މެމްބަރުން އެކުލެވޭ ކޮންގުރެސްއިންވެސް މިމެސެޖުވަނީ ދީފައެވެ. އަންނި ބޭނުންވިގޮތަށް ޕާޓީގެ ރައީސްގެ މަގާމު އުވާލާކަށް މެމްބަރުން ބޭނުމެއް ނުވިއެވެ. އަދި އަންނި ބޭނުންވި ހުރިހާ ބަދަލުތަކެއް އަސާސީ ގަވާއިދަށް ގެނުމަކަށް ތާއީދެއްވެސް ނުކުރިމެވެ. އަނެއްކޮޅުން، ޕާޓީގެ އިންތިހާބީ މަގާމުތަކަށް މެމްބަރުން އިންތިހާބުކޮށްފައި އެތިބީ އަންނި ސަޕޯޓުކޮށް ކެމްޕޭންކޮށްދިން މިތުރުން ނޫން މީހުންނެވެ.
އަންނި ވެރިކަން ކުރި ގޮތާއި އަދި އެއަށް ފަހު ވެރިކަމުން އިސްތިއުފާދީ ހަދަން ފެށި ދޮގުތަކާ މެދު ހިތްހަމަ ނުޖެހޭ ބަޔަކު އެމްޑީޕީގައި އެބަ ތިއްބެއެވެ. އަދި މިކަމާ ގުޅިގެން އަންނި ބައްޓަން ކުރި ގަދަބާރުން ކަންތައްތައް ކުރުމުގެ ސިޔާސަތުގެ ސަބަބުން އެމްޑީޕީ ސިޔާސީ މައިދާނުން މިވަނީ އެކަހެރިވެފައެވެ. އެހެން އެންމެން އެމްޑީޕީއާ ދެކޮޅަށް ޖެހިފައެވެ. ކުރިން މައުމޫނާ މެދު މީހުން ކުރި ނަފުރަތު އެކޮޅުކޮޅުން ޖެހި އެމްޑީޕީ ބާކީވެ، ސިޔާސީ ގޮތުން ބަލިކަށިވެފައެވެ.
މަޖިލީހުގެ އިންތިހާބާއި ރިޔާސީ އިންތިހާބެއްގައި ވޯޓެއް ކާމިޔާބު ކުރެވޭނީ ޕާޓީގެ ހުރިހާ އެންމެން ލައްވައި ވޯޓުލައްވައި އަދި އޭގެ އިތުރުން އެހެން އެތަކެއް ބައްޔެއްގެ ވޯޓުވެސް ހޯދައިގެންނެވެ. މިއީ ސިޔާސީ ހަގީގަތްކަމަށްވާއިރު އަދި ނިމިގެން ދިޔަ އިންތިހާބުގެ ނަތީޖާތަކަށް ބަލާއިރު، އެމްޑީޕީގެ ރިޔާސީ ކެޑިޑޭޓަކަށް އަންނި ނެރިގެން އިންތިހާބެއް ކާމިޔާބު ކުރުމަކީ ނުވާނެކަމެކެވެ. އެއީ ޕާޓީގެ މެމްބަރުންގެ އިތުބާރު ނެތުމާއި ޕާޓީގެ ބޭރުން އެއްވެސް ތާއީދެއް ނެތުމެވެ.
ގަބޫލުކުރަން ބޭނުން ނުވިޔަސް ހިތި ހަގީގަތަކީ މިއީއެކެވެ. ޕާޓީއަށް ހެޔޮއެދޭ ނަމަ، އަންނި ފަހަތަށް ޖެހި އެމްޑީޕީ ރުކުރުވާލުމަށް ފުރުސަތު ދޭން ޖެހެއެވެ. އެތެރޭގެ ޑިމޮކުރަސީ ވަރުގަދަވާން ޖެހެއެވެ. ޑިމޮކުރަޓިކް ޕާޓީއެއްގައި އެންމެ ކެޑިޑޭޓެއް ރިޔާސީ ޓިކެޓު ބޭނުންވެގެން އުޅުމަކީ ޕާޓީއާ މެދު މެމްބަރުންގެ އިތުބާރު ގެއްލިފައިވާ ކަމުގެ ހެއްކެކެވެ. އަދި އިންތިހާބީ މަގާމުތަކަށް ގިނަ ބަޔަކު ވާދަކުރަން ބޭނުން ނުވުމަކީވެސް އޭގެ އަލާމާތެކެވެ.
އަންނި އެމްޑީޕީގެ ޓިކެޓުގައި ރިޔާސީ އިންތިހާބާ ކުރިމަތިލައިގެން ބަލިވުމަށް ވުރެ، ބުއްދިވެރީ ޕާޓިގެ އެތެރޭގެ ޑިމޮކުރަސީ ވަރުގަދަކޮށް 2013 އަށް ތައްޔާރުވުމަށްޓަކައި ހަރުދަނާ ސިޔާސަތުތަކެއް ހެދުމެވެ. އަދި ރިޔާސީ ޕުރައިމަރީ ލަސްކޮށް، ކޮންގުރެސް ބާއްވާ އަސާސީ ގަވާއިދު އިސްލާހުކޮށް އިންތިހާބީ މަގާމުތައް ބާރުވެރިކުރުވައި، މެމްބަރުންގެ ގެއްލިފައިވާ އިތުބާރު ހޯދައި، އެހެން ޕާޓީތަކާ ކޯލިޝަނެއް ހެދުމަށް މަގުކޮށުމެވެ. އަދި ކުރިން އަންނި ގެންގުޅުނު ސިޔާސަތުތަކާ ދުރުވުމެވެ.
ކޫ ގޭމް ޖައްސައިގެން އެމްޑީޕީއަށް ލިބޭނެ ނުވަތަ ލިބުނު ކުރިއެރުމެއް ނެތެވެ. އެހެން ނޫނަސް އެކަމުގައި ހަގީގަތެއް އޮތްނަމަ އެކަން ތަހުގީގުކުރުމަށް އެމްޑީޕީއިން ބާރުއަޅައި އެކަން ސާބިތުކޮށްދީ، ޝައްކުގައި ތިބި މީހުންގެ އިތުބާރު ހޯދައިދޭން ޖެހެއެވެ. ދެއަތަށް ދެމޭ ވާހަކަ ދެއްކިއަކަށް ވާނެ ކަމެއް ނޯންނާނެއެވެ. އިންތިހާބޭ ގޮވައިގެން އިންތިހާބު ބޭއްވުނަސް އިންތިހާބެއްގައި އަންނިއަށް ނުވަތަ އެމްޑީޕީ އެކަނި މާ އެކަނި ކާމިޔާބެއް ހޯދިދާނެކަމާމެދު މިހާރު ޝައްކެވެ.
Posts
0 comments: on "އަންނި އެމްޑީޕީއަށް ހެޔޮ އެދޭ ނަމަ..."
Post a Comment