ނަޝީދަކީ ޑިމޮކުރެޓިކް ޕާޓީއެއް ހިންގޭފަދަ ހިކުމަތްތެރި ލީޑަރެއް ނޫނެވެ.

ކުރީގެ ރައީސް ނަޝީދުގެ ސިޔާސަތު އަންނަނީ ފެއިލުވަމުންނެވެ. އޭގެ މިސާލުތައް ބައިވަރެވެ. ވެރިކަމުން ފައިބަން ޖެހުމަކީ އެއް މިސާލެވެ. އަނެއް މިސާލުތަކަކީ މިހާރު ކުރައްވަމުން ގެންދަވާ ތާކުން ތާކު ނުޖެހޭ ކަންތައްތަކެވެ.

އެގޮތުން މަޖިލިސް ހުޅުވުން ފާހަގަކޮށްލެވެއެވެ.

އެމްޑީޕީ ގަސްތުކޮށްފައިއޮތީ، ޑރ.ވަހީދު ރިޔާސީ ބަޔާން އިއްވިޔަ ނުދިނުމަށެވެ. އެކަންކުރަން ނުދޭނެކަމަށް ތަކުރާރުކޮށްއައީ ބުނަމުންނެވެ. މާރޗް ފުރަތަމަ ދުވަހުއެކަން އޮތީ އެހެން ހިނގާފައެވެ. ޝާހިދާއި، ޑރ.ވަހީދާ ދެރައީސުންނަށް މަޖިލީހުގެ ޗެމްބަރަށް ވަދެވޭނެ އެއްވެސް ދޮރެއް ނުހުޅުވުނެވެ. އެދުވަހު އެހިސާބުން މަޖިލިސް ނިމުނީއެވެ.

ދެންވެސް އެމްޑީޕީން ބުނަމުން އަންނަނީ، ޑރ.ވަހީދަކީ ރާއްޖޭގެ ރައީސުލްޖުމްހުރިއްޔާ ނޫންކަމަށާއި، އެނާގެ ރިޔާސީ ބަޔާން މަޖިލީހަށް އިއްވުމަށް ފުރުޞަތު ނުދެވޭނެ ކަމުގައެވެ. އެހެންނަމަވެސް، މަޖިލީހުގެ ރައީސް އޭނާގެ މަސްއޫލިއްޔަތު އަދާކުރެވޭތޯ ހިތްމަތާއެކު މަސައްކަތް ކުރެއްވިއެވެ. އެންމެ ފަހުން، ހޯމަދުވަހަށް ޖަލްސާ ހަމަޖެއްސީއެވެ. އާދީއްތަދުވަހު، އެމްޑީޕީ ޤައުމީ މަޖިލީހުންވަނީ، ކުރިޔެކޭވެސް އެއްގޮތަށް ޑރ.ވަހީދަށް އެފުރުޞަތު ނުދޭން ނިންމާފައެވެ. އިތުރަށް ވިދާޅުވޭ