އެމްޑީޕީގައި ޑިމޮކުރަސީ ހަރުދަނާކުރަން ޖެހިފައި

{ނޯޓު: އެމްޑީޕީ އުފެދުނީ ޑިމޮކުރަސީގެ ވިސްނުމުގައި ކަންކަމާމެދު މަސްވަރާކޮށް ގިނަ ބަޔަކަށް ފެންނަގޮތަކަށް ކަންތައްތައް ކުރުމުގެ ވިސްނުމުގައެވެ.. އަސާސީ ގަވާއިދަށް ހުރުމަތްތެރިކޮށް ހިތުމާއި ވަކި މީހެއްގެ ފަހަތުން ފުމެ ނޫޅޭނެކަމުގެ ޔަގީންކަމާ އެކުގައެވެ. މިއަދު ކަންތައްވަނީ އެހެން ތޯއެވެ؟ }

އެމްޑީޕީގެ ކޮންގްރެސްގައި އެމްޑީޕީގެ ރައީސް މަގާމު އުވާލަން ހުށަހެޅި އެވެ. ޑރ. އިބްރާހިމް ދީދީއަށް އެމްޑީޕީގެ ރައީސް ކަމަށް ވަޑައިގެންނެވުނީ އެގޮތަށް އެފަހަރު ނުވުމުންނެވެ. މިއިން ދެ ކަމެއް ދައްކައިދެ އެވެ. އެއް ކަމަކަށް ޕާޓީގައި ރައީސަކު ހުރުމަށް އާންމުން މެންބަރުންގެ ބޭނުން ވާ ކަމެވެ. ދެވަނަ ކަމަކަށް ޕާޓީގެ ބާރުގަދަ ހިސާބަކުން ޕާޓީގެ ރައީސްގެ މަގާމު "ދުއްވާލަން" ބޭނުންވާ ކަމެވެ.

ކޮންމެ ގޮތަކަށް އެކަން އޮތަސް ޑރ. ޑީޑީ އަކީ ޕާޓީގެ ރައީސެވެ. އަދި ޑރ. ޑީޑީއާ ޕާޓީއާ އިސް ސަފާ ދެމެދު މައްސަލަތަކެއް އުޅޭ ކަމަށް ދަނީ ވާހަކަ ދެކެވެމުންނެވެ. އެމްޑީޕީގެ ނުފޫޒު ގަދަ ބައެއް ބޭފުޅުންގެ ނުފޫޒުން ޕާޓީގެ ރައީސްގެ ބާރު ކަނޑުވާލާފައިވާ ކަމުގެ ވާހަކައަކީ މިހާރު އާ ވާހަކައެއް ނޫނެވެ. ހާއްސަކޮށް ރައީސް މުހައްމަދު ނަޝީދުގެ ސަރުކާރު ވެއްޓުނު ހިސާބުން ފެށިގެން ޑރ. ޑީޑީ ޕާޓީގެ ރައީސްގެ މަގާމުގައި ހުންނަވަނީ ނަމެއްގައި ކަމަށް ސިޔާސީ ފަރާތްތައް ދަނީ ބުނަމުންނެވެ. އިތުރަށް ވިދާޅުވޭ