ކުރީގެ ރައީސް މައުމޫނަކީ ވެރިކަމުގެ ފުރަތަމަ ދެދައުރު ރައްޔިތުންގެ ކެކުޅުން އެނގިވަޑައިގެން ވެރިކަން ކުރެއްވި ރައްޔިތުންގެ ލޯބި ހޯއްދެއްވި ވެރިއެވެ. ކޮންމެހެން ބޭނުންވާ މަގާމުތައް ނޫނީ ނުއުފައްދަވައެވެ. ސިޔާސީ މަގާމުތަކުގެ ގޮތުގައި ފެންނަނީ ކެބިނެޓު ވަޒީރުންނާއި އެމީހުންގެ ނައިބުން އެކަންޏެވެ. ދެން ވެރިކަމުގެ ފަހުކޮޅަށް އައިސްފައި ސްޓޭޓް މިނިސްޓަރުންގެ ދެތިން މަގާމެއް ފެނިގެންދިޔައެވެ.
ސަރުކާރުގެ އިދާރީ މަގާމުތައް ނުވަތަ މިހާރުގެ ގޮތުން ބުނާނަމަ ސިވިލްސާވިސްގެ މަގާމުތަކަކީ އޭރުގައި ސަރުކާރުން ސިޔާސީ ބޭނުމުގައި ދީއުޅުނު މަގާމުތަކެވެ. ނަމަވެސް، މިހާރު މިވަނީ ސިޔާސީ މަގާމުތަކާއި ސަރުކާރުގެ އިދާރީ މަގާމުތައް ވަކިވެފައެވެ. އެއްވެސް ބޭނުމެއްގައި ބަޔަކަށް ހައްގުނޫން ގޮތެއްގައި މަގާމުތަކެއް ދިނުމަކީ ނުވަތަ މަގާމުތަކެއް އުފެއްދުމަކީ ދައުލަތުގެ މުދަލަށް ހިޔާނާތްތެރިވުމެވެ.
ރައީސްގެ އެޑްވައިޒަރުން ފުރަތަމަ އައްޔަންކުރީ ކުރީގެ ރައީސް މައުމޫނެވެ. އަދި ވެރިކަމުގެ ފަހުކޮޅުގައި ގިނަ ވަކި ކަމަކަށް ހާއްސަވެފައި ނެތް ސްޓޭޓް މިނިސްޓަރުންގެ މަގާމުތަކެއް އުފެއްދައި ބަޔަކަށް މަގާމުތަކެއް ދިނެވެ. ދެން، އެކަންތައްތަކާ ހިތްހަމަ ނުޖެހިން، އެނޫން ގޮތަކަށް ކަންތައްތައް ކުރުމަށްކަމަށް ބުނެ އައި ރައީސް ނަޝީދުވެސް ކަންތައް ކުރެއްވީ ހަމަ އެބީދައިންނެވެ.
ބޭކާރު އެޑްވައިޒަރުންނާއި ފާޑުފާޑުގެ އެމްބެސަޑަރުންގެ މަގާމު އުފެއްދިއެވެ. ހިއުމަން ރައިޓްސް އެމްބެސަޑަރުންނާއި އެމްބެސަޑަރ ޓު ލާޖް ފަދަ މަގާމުތަކެވެ. އަދި ކަމެއް ނުކުރެވޭ ރައްޔިތުންގެ ލޯބި ނެތް ފެންވަރެއްނެތް އެތަކެއް ބަޔަކު ސްޓޭޓް މިނިސްޓަރުކަމަށް ލިޔެވެ. ސްޓޭޓް މިނިސްޓަރުން ލާކަށް ވަކި ތަނެއް ނެތެވެ. ގައުމީ އިދާރާތަކަށްވެސް އެފަދަ މަގާމުތައް ކަނޑައެޅިގޮތެއް ނޭގެއެވެ. އޭގެ ތެރޭގައި 3 ނޮވެމްބަރުގެ ދެ ބާގީން ހިމެނޭކަމީ ހިތާމަ ކުރަންޖެހޭ މައްސަލައެކެވެ.
އަނެއްކާވެސް، ޑރ ވަހީދުގެ ސަރުކާރާ އެކު އެމަންޒަރު މިދަނީ ފެންނަމުންނެވެ. ތައުލީމެއް ފެންވަރެއް ނެތް ބަޔަކު ދައުލަތުގެ ހަޒާނާއަށް ބާރުބޮޑުވާގޮތަށް ބޭތިއްބުމުގެ ބޭނުމަކީ ކޮބާހެއްޔެވެ؟ އެފައިސާއިން ރައްޔިތުންނަށް ކަމެއް ކޮށްދެވޭތޯ ބެލުން މާބުއްދިވެރި ނޫންތޯއެވެ؟ ނޫނީ އަނެއްކާވެސް މިއޮތީ ކޮންމެވެސް ބަޔަކު މަޖިލީހަށް ބިލެއް ހުށައަޅައިގެން މިސަކަރާތެއް ހުއްޓުވަން ޖެހިފައި ހެއްޔެވެ؟ ރިޔާސީ ނިޒާމު އޮންނަ އެމެރިކާއަށް ބަލާއިރު މިފަދަ މަންޒަރުތަކެއް ނުފެނެއެވެ. ބަދަލުވަނީ ހަމައެކަނި މަގާމުތަކުގައި ތިބި މީހުންނެވެ.
އެންމެންވެސް ގަބޫލުކުރަންޖެހޭ ހަގީގަތަކީ ދިވެހިރާއްޖެއަކީ ފުއްދުންތެރިކަން ކުޑަ ގައުމެވެ. ދަރިނި ބޮޑެވެ. ލިބޭ އެއްޗަކަށްވުރެ ކުރަން ޖެހޭ ހަރަދު މިވަނީ ބޮޑުވެފައެވެ. އެހެންކަމުން، ލިބޭ މިންވަރުން ފުއްދަން ދަސްކުރަން ވެއްޖެއެވެ. ކިތަންމެ ބޭނުންވިޔަސް، ނެތް އެއްޗަކުން ނުކުރެވޭނެކަން ގަބޫލުކުރަން ޖެހިއްޖެއެވެ. ބޭކާރު މުއައްސަސާތައް އުވާލަންޖެހެއެވެ. ބޭކާރު މަގާމުތައް މަދުކުރަންޖެހެއެވެ. ނުކަތާވަރުގެ ބޮޑު މުސާރަތައް ކުޑަކުރަންޖެހެއެވެ.
މިކަން ކުރެވޭނީ އަމިއްލަ މަސްލަހަތަށްވުރެ ގައުމު ދެކެ ލޯބިވެގެންނެވެ.
ސަރުކާރުގެ އިދާރީ މަގާމުތައް ނުވަތަ މިހާރުގެ ގޮތުން ބުނާނަމަ ސިވިލްސާވިސްގެ މަގާމުތަކަކީ އޭރުގައި ސަރުކާރުން ސިޔާސީ ބޭނުމުގައި ދީއުޅުނު މަގާމުތަކެވެ. ނަމަވެސް، މިހާރު މިވަނީ ސިޔާސީ މަގާމުތަކާއި ސަރުކާރުގެ އިދާރީ މަގާމުތައް ވަކިވެފައެވެ. އެއްވެސް ބޭނުމެއްގައި ބަޔަކަށް ހައްގުނޫން ގޮތެއްގައި މަގާމުތަކެއް ދިނުމަކީ ނުވަތަ މަގާމުތަކެއް އުފެއްދުމަކީ ދައުލަތުގެ މުދަލަށް ހިޔާނާތްތެރިވުމެވެ.
ރައީސްގެ އެޑްވައިޒަރުން ފުރަތަމަ އައްޔަންކުރީ ކުރީގެ ރައީސް މައުމޫނެވެ. އަދި ވެރިކަމުގެ ފަހުކޮޅުގައި ގިނަ ވަކި ކަމަކަށް ހާއްސަވެފައި ނެތް ސްޓޭޓް މިނިސްޓަރުންގެ މަގާމުތަކެއް އުފެއްދައި ބަޔަކަށް މަގާމުތަކެއް ދިނެވެ. ދެން، އެކަންތައްތަކާ ހިތްހަމަ ނުޖެހިން، އެނޫން ގޮތަކަށް ކަންތައްތައް ކުރުމަށްކަމަށް ބުނެ އައި ރައީސް ނަޝީދުވެސް ކަންތައް ކުރެއްވީ ހަމަ އެބީދައިންނެވެ.
ބޭކާރު އެޑްވައިޒަރުންނާއި ފާޑުފާޑުގެ އެމްބެސަޑަރުންގެ މަގާމު އުފެއްދިއެވެ. ހިއުމަން ރައިޓްސް އެމްބެސަޑަރުންނާއި އެމްބެސަޑަރ ޓު ލާޖް ފަދަ މަގާމުތަކެވެ. އަދި ކަމެއް ނުކުރެވޭ ރައްޔިތުންގެ ލޯބި ނެތް ފެންވަރެއްނެތް އެތަކެއް ބަޔަކު ސްޓޭޓް މިނިސްޓަރުކަމަށް ލިޔެވެ. ސްޓޭޓް މިނިސްޓަރުން ލާކަށް ވަކި ތަނެއް ނެތެވެ. ގައުމީ އިދާރާތަކަށްވެސް އެފަދަ މަގާމުތައް ކަނޑައެޅިގޮތެއް ނޭގެއެވެ. އޭގެ ތެރޭގައި 3 ނޮވެމްބަރުގެ ދެ ބާގީން ހިމެނޭކަމީ ހިތާމަ ކުރަންޖެހޭ މައްސަލައެކެވެ.
އަނެއްކާވެސް، ޑރ ވަހީދުގެ ސަރުކާރާ އެކު އެމަންޒަރު މިދަނީ ފެންނަމުންނެވެ. ތައުލީމެއް ފެންވަރެއް ނެތް ބަޔަކު ދައުލަތުގެ ހަޒާނާއަށް ބާރުބޮޑުވާގޮތަށް ބޭތިއްބުމުގެ ބޭނުމަކީ ކޮބާހެއްޔެވެ؟ އެފައިސާއިން ރައްޔިތުންނަށް ކަމެއް ކޮށްދެވޭތޯ ބެލުން މާބުއްދިވެރި ނޫންތޯއެވެ؟ ނޫނީ އަނެއްކާވެސް މިއޮތީ ކޮންމެވެސް ބަޔަކު މަޖިލީހަށް ބިލެއް ހުށައަޅައިގެން މިސަކަރާތެއް ހުއްޓުވަން ޖެހިފައި ހެއްޔެވެ؟ ރިޔާސީ ނިޒާމު އޮންނަ އެމެރިކާއަށް ބަލާއިރު މިފަދަ މަންޒަރުތަކެއް ނުފެނެއެވެ. ބަދަލުވަނީ ހަމައެކަނި މަގާމުތަކުގައި ތިބި މީހުންނެވެ.
އެންމެންވެސް ގަބޫލުކުރަންޖެހޭ ހަގީގަތަކީ ދިވެހިރާއްޖެއަކީ ފުއްދުންތެރިކަން ކުޑަ ގައުމެވެ. ދަރިނި ބޮޑެވެ. ލިބޭ އެއްޗަކަށްވުރެ ކުރަން ޖެހޭ ހަރަދު މިވަނީ ބޮޑުވެފައެވެ. އެހެންކަމުން، ލިބޭ މިންވަރުން ފުއްދަން ދަސްކުރަން ވެއްޖެއެވެ. ކިތަންމެ ބޭނުންވިޔަސް، ނެތް އެއްޗަކުން ނުކުރެވޭނެކަން ގަބޫލުކުރަން ޖެހިއްޖެއެވެ. ބޭކާރު މުއައްސަސާތައް އުވާލަންޖެހެއެވެ. ބޭކާރު މަގާމުތައް މަދުކުރަންޖެހެއެވެ. ނުކަތާވަރުގެ ބޮޑު މުސާރަތައް ކުޑަކުރަންޖެހެއެވެ.
މިކަން ކުރެވޭނީ އަމިއްލަ މަސްލަހަތަށްވުރެ ގައުމު ދެކެ ލޯބިވެގެންނެވެ.
Posts
0 comments: on "ސިޔާސީ މަގާމުތަކާއި ދައުލަތުގެ ހަރަދު"
Post a Comment