ހިއުމަންރައިޓްސް ކޮމިޝަނުގެ ދައުރަކީ އިންސާނީ ހައްގުތާ ގުޅުންހުރި މައްސަލަތައް ތަހުގީގުކޮށް، ބަލާ އެކަމާ ފިޔަވަޅު އެޅުމެވެ. ކުށްވެރިވާ ފަރާތްތަކާމެދު ދައުވާކޮށް، އަނިޔާލިބިފައިވާ ފަރާތްތަކުގެ ހައްގު ހޯދައިދިނުމެވެ. މިފަދަ ކަމެއް ކުރި ވާހަކައެއް ނުވަތަ ކުރަން އުޅޭ ވާހަކަ އަޑުއެހިންތޯއެވެ.
ކުޑަކުދިން ޖިންސީ ޝިކާރައަކަށް ވެގެން ހައްގު ގެއްލިފައިވަނީ މިދިވެހިރާއްޖޭގައި ކިތައް ކުޑަކުދިންތޯއެވެ؟ އަދި ކޯޓު މަރުހަލާގައި ސާބިތު ނުކުރެވި ދަނީ ކިތައް މައްސަލަތޯއެވެ. ހިއުމަންރައިޓްސް ކޮމިޝަން ކޮބާތޯއެވެ؟ ކުރަނީ ކޮންކަމެއްތޯއެވެ.
އަބްދުއްﷲ ގާޒީވަނީ ގާނޫނު އަސާސީއާ ހިލާފަށް ނިޒާމުން ގެއްލުވާލާފައެވެ. ފަރުދެއްގެ މިނިވަންކަމުގެ ހައްގު މިވަނީ ގެއްލިފައެވެ. އެންމެ ބޮޑެތި ކުށްވެރިންނަށް ވެސް ނުލިބޭ ވަރުގެ ނަފްސާނީ އަނިޔާ ވަނީ ލިބިފައެވެ. މިހާރު އެމައްސަލަ ތަހުގީގުކުރާތާ ލައްކަ ދުވަސްވެއްޖެއެވެ. ކޮޅެއް މެދެއް ނުފެނެއެވެ.
މިގައުމުގައި އަދުލު އިންސާފު ނުލިބޭކަން އެންމެން ދަނެއެވެ. ގައުމެއްގައި އަދުލު އިންސާފު ނެތިދިޔުމަކީ ކުޑަ ކަމެއްތޯއެވެ. ހުރިހާ އިންސާނީ ހައްގުތަކެއް ނުލިބުމުގެ އަސްލެވެ. ކޮމިޝަނުން ކުރަނީ ނުވަތަ މިހާތަނަށް ކުރީ ކޮން ކަމެއްތޯއެވެ.
މެމްބަރުން ގަވާއިދުން މުސާރަ ނަގައެވެ. ކުރާ ކަމެއް ނުފެއެވެ. ނަތީޖާ ނުނެރެވޭ މުއައްސަސާއަކީ ދައުލަތަށް ޖެހިފައިވާ ތުރާލެއް ނޫންހެއްޔެވެ؟ އެހެން ކަމުން މިހާރުން މިހާރަށްވެސް މިކޮމިޝަން އުވާލަން ޖެހިއްޖެއެވެ. ނޫނީ ތިމާމެންގެ ނާގާބިލުކަން ގަބޫލުކޮށް އަޒުރާމެން އިސްތިއުފާދޭން ނުވޭ ހެއްޔެވެ؟
Posts
0 comments: on "ހިއުމަންރައިޓްސް ކޮމިޝަން އުވާލަންޖެހިފައި"
Post a Comment