ސަރަގު އާދަން މަނިކުގެ ބަލަދު ދިވެހިރައްޔިތުންނަށް

އިހަކަށް ދުވަހު ސަރަގު އާދަން މަނިކު އެވަނީ މާލޭ ސިޓީކައުންސިލުން އިސްތިއުފާދީފައެވެ. އެމްޑީޕީގެ ކައުންސިލު މެމްބަރު ފަލާހުގެ އުދަގޫ ބޮޑުވެފައި ކައުންސިލު އެހެން މެމްބަރުންގެ ތާއީދު ނެތުމުން ކަމަށްވެއެވެ. މާލޭގެ މޭޔަރަކަށް ފަލާހު އައްޔަން ކުރުމަށް އެމްޑީޕީއިން ނިންމާފައިވަނިކޮށް ސަރަގު އާދަން މަނިކު އެމަގާމު އަތުލީ ކައުންސިލު މެމްބަރުންނަށް ފައިސާ ބަހައިގެން ކަމަށް މާލެތެރޭގައި ކިޔައެވެ. އެކަމަކު، މިހާރު ދެން ފައިސާ ބަހައިގެން އަބަދު ތާއިދު ދެމެހެއްޓެން ނެތީކަން ނޭގޭއެވެ. ކޮންމެއަކަށް، ސަރަގޭ މޭޔަރުކަމުން ބާލަންވެގެން ދެން ތިބި ކައުންސިލުގެ މެމްބަރުން އުޅެގަތުމުން އެހުރީ ލަދަކުން ސަލާމަތްވާންވެގެން އަމިއްލައަށް އިސްތިއުފާދީފައެވެ.

މައްސަލައަކީ އިސްތިއުފާދިނުމެއް ނޫނެވެ. އިސްތިއުފާދިން ނޭވައިގާ ކޮންމެވެސް ނަމެއް ކިޔާފައި ދައުލަތުން ބޮޑު މުސާރަދޭ މަގާމަކަށް ލުމެވެ. މިހާރު އެއީ އިންފުރާސްޓުރަކްޗަރު އެޑިވައިޒަރޯ ރައީސް އޮފީހުން ބުނެއެވެ. ބަލަ، އަންނީއެވެ. މަޖިލީހުގެ މެމްބަރުން ގަނެދޭ އެޑްވައިޒަރަށް ލިޔަސް މައްސަލައެއް އަހަރެމެންގެ ނެތެވެ. ހަމައެކަނި މައްސަލައަކީ ދިވެހިންގެ ފައިސާ މިކަހަލަ ބޭކާރު މީހުންނަށް ހަރަދު ކުރާތީވެއެވެ. އަންނިއަށް ދިވެހިރައްޔިތުން ދޭ އެއް ލައްކަ ރުފިޔާއިން ކޮންމެވެސް ވަރެއް ދީގެން ސަރަގޭގެ މުސާރަ ހަމަ ޖައްސާށެވެ. ކޮންމެހެން ރައްޔިތު މީހާ މިހާ ނިކަމެތިކޮށް އުޅޭއިރު، ތަކެތި އަގުބޮޑުވެގެން ދެކޮޅު ނުޖެހިގެން އުޅޭއިރު، އިތުރު ތަކުލީފު ޖެއްސިޔަ ނުދޭށެވެ.

މިސަރަގު އާދަން މަނިކަކީ މިހާރުވެސް ކޮންމެވެސް ބޭރުމީހެއްގެ އަތުން ނުހައްގުން ރިސޯޓެއް ޖަހައިގަނެގެން އުޅޭ މީހެއްކަމަށް ކިޔާއުޅެއެވެ.