މަތިމައްޗަށް ދޮގު ހަދާ މީހަކަށް ހެޔޮވެރިކަމެއް ނުކުރެވޭނެ

ތިމަން އިސްތިއުފާ ދިނީ ބޮލުގައި ބަޑި ޖައްސައިގެން ބަންޑާރަކޮށީގައި ހުރެގެން ހައްދަވާނެ އިތުރުގޮތެއް ނެތިގެން ކަމަށް ކުރީގެ ރައީސް ނަޝީދު ގެންދަވަނީ ބޭރު ނޫސްވެރިން ގާތުގައި ވިދާޅުވަމުންނެވެ. އަދި ރާއްޖޭގެ ތަރައްވުރު ހަޑިކުރަމުންނެވެ. ނަމަވެސް، އެމަނިކުފާނު އިސްތިއުފާދެއްވި ސިޓީ ލިޔުއްވި އިރު އެންމެ ކައިރީގައި ހުރި ރައީސްގެ ލީގަލް ސެކެރެޓަރީ އަދި ކެބިނެޓް ސެކެރެޓަރީ ހިސާން ހުސެން ވިދާޅުވީ އެމަނިކުފާނު އިސްތިއުފާ ދެއްވުމަށް ސިޓީ ލިޔުއްވީ ރައީސް އޮފީހުގައި އަމިއްލަ އިހުތިޔާރުގައި ކަމަށެވެ. ކޮންފަދަ ބޮޑު ދޮގެއް ތޯއެވެ. ވެރިކަމުގެ ޖާހާއި ލޯބީގައި ގައުމުގެ މަސްލަހަތު ނަގާލައި، ދޮގުގެ މައްޗަށް ދޮގު ހަދާމީހަކަށް ހެޔޮވެރިކަމެއް ނުކުރެވޭނެއެވެ. ޒައީމު މައުމޫނަށް ހެޔޮވެރިކަމެއް ނުކުރެވޭނެ ކަމަށް ކުރިން އަހަރެމެން ބުނީވެސް އެހެން ވެގެންނެވެ. މިއަދު މިހެން ބުނަން ޖެހެނީވެސް އެހެން ވެގެންނެވެ.

އެއްވެސް ޝައްކެތް ނެތްގޮތުގައި ހެޔޮވެރިކަމެއް ކުރެވޭނީ ތިމާއަކީ ގައުމީ މަސްލަހަތު ކުރިއަށް ލައި ގައުމު ދެކެ ލޯބިވާ މީހަކަށް ވެގެންނެވެ. ތެދުވެރި އަމާނާތްތެރިއަކަށް ވެގެންނެވެ. ބުނާ ބަހުގައި އިތުބާރު ހިފޭ ދެފަހަރު ދެގޮތަކަށް ވާހަކަ ނުދައްކާ މީހަކަށް ވެގެންނެވެ. އަހަރެމެންގެ ތެރޭގައި ތިބި ގިނަ މީހުންނަކީ ދެއިރު ދެދަޅައަށް ދެގޮތަށް ދޮގުހަދަމުން ހިނގާ މީހުންނެވެ. މިއަދާ ހަމައަށްވެސް މިގައުމުގައި ހެޔޮވެރިކަމެއް ނުކުރެވިގެން މިއުޅެނީ އެފަދަ ދޮގުވެރިންނަށް ރައްޔިތުން ތާއީދު ކުރާތީވެއެވެ. އެމީހުންގެ ބަހަށް ހެއްލޭތީވެއެވެ. މިގައުމުގައި ހެޔޮވެރިކަމެއް ކުރަން ބޭނުންނަމަ، މިއަދުން އަދި މިހާރުން މިހާރަށްވެސް ފާޅުގައި ދޮގުހަދާ މީހުންނަށް ނޫނެކޭ ރައްޔިތުން ބުނަން ޖެހިއްޖެއެވެ.

ހިސާން ވިދާޅުވީ ރައީސް އިސްތިއުފާގެ ސިޓީ ލިއުއްވީ ރައީސް އޮފީހުގެ ޕްރެސް ރޫމާ ޖެހިގެން ހުންނަ ކޮޓަރީގައި ހުންނަ، ފަތްކޮޅާއި އިގުރާރު ލިއުމަށް ހާއްސަކޮށްފައިވާ ޕޯޑިއަމްއެއްގެ މަތީގައި ބާއްވައިގެން ކޮޅަށް ހުންނަވައިގެން ކަމަށެވެ. އަދި އެ މަންޒަރު ބަލަން އޭނާ އަށް ވަރަށް "އުނދަގޫވި" ކަމަށެވެ. އިތުރަށް ވިދާޅުވޭ