ބަންޑާރަ ނައިބު އަބްދުއްލޯ މުއިއްޒު އޭބަލަ މަނިކުފާނޭ ތިޔައީ ރަނގަޅު ކަމެއް ނޫނޭ ބުނެބުނެ އޮއްވާވެސް އަންނި އެސޮރުލައިރީގައި ބުނެ ކިޔައިގެން މަގާމު ގެއްލިދާނެ ކަމުގެ ބިރުވެރިކަމުގައި ބަހައްޓައިގެން ފާޑެއްގެ މައްސަލައެއް އިހަކަށް ދުވަހު ސުޕުރީމު ކޯޓަށް ވެއްދިއެވެ. އޭގައި ބުނަނީ ރާއްޖޭގައި ރަލާއި އޫރުމަސް ވިއްކުމުގެ ގަވާއިދުގެ ސައްހަކަމާމެދު ސުޕުރީމު ކޯޓުން ގޮތެއް ނިންމައިދޭށޯލައެވެ.
ކުރިންވެސް ހީކުރެވުނު ގޮތަށް އަދި ގާނޫނު އަސާސީގައި ސުޕުރީމު ކޯޓުގެ ޒިންމާތައް ކަމަށް ބުނެފައިވާ ކަންތައްތައް ކިޔާލިކޮންމެ މީހަކަށް އެނގޭނެ ފަދައިން، އެމައްސަލަ މިއޮތީ ކޯޓުން ބޭރަށް އެއްލާލާފައެވެ. އެހެންޏާ ފަހެ، ސަރުކާރަށް ގާނޫނީ މައްސަލަތަކުގައި ލަފާދޭ ފަރާތަކީ ގާނޫނު އަސާސީ ބުނާގޮތުން ބަންޑާރަ ނައިބު ވިއްޔާއެވެ. ސުޕުރީމް ކޯޓެއް ނޫނިއްޔާއެވެ.
އެންމެ ހެއްވާ ކަމަކީ އެމައްސަލަ ކޯޓުން އެއްލާލުމުންވެސް އެއީވެސް ކޯޓުގެ ނިންމުމެއް ކަމަށް ބަލައި ރައީސް ނަޝީދު އެވަނީ ތަރުޖަމާ ކުރައްވާފައެވެ. އެމަނިކުފާނު ވިދާޅުވިކަމަށް މިއަދު ނޫހުގައި ލިޔެފައިވެއެވެ.
"ސުޕްރީމް ކޯޓުގެ ނިންމެވުމުން، މުޅި މައްސަލައަށް ސާފުކަމެއް ނުލިބުނު ކަމުގައިވިޔަސް، އެ ނިންމެވުންތަކުން ބައެއް ކަންކަން ފާހަގަކުރެއްވޭ ކަމުގައި ރައީސް ވިދާޅުވިއެވެ.
މިގޮތުން، ދިވެހި ރައްޔިތުން، އެހެން ދައުލަތެއްގެ މީހުންނާ މުޢާމަލާތް ކުރުން، ދިވެހިރާއްޖޭގެ ޤާނޫނުއަސާސީ ހުރަސްނާޅާކަމާއި، ޝަރީޢާ އާއި، ދިވެހިރާއްޖޭގެ ޤާނޫނުގައި ބަޔާންކޮށްފައިވާ ޙުދޫދުގެ ތެރެއިން ފަތުރުވެރިންނަށްދެވޭ ޚިދްމަތްތަކަށް ހުރަސްނޭޅޭ ކަމާއި، ޒަމާނުއްސުރެ ރާއްޖެއަށް އަންނަ ފަތުރުވެރިންނަށް ދެމުން އަންނަ ޚިދްމަތްތަކަށް ހުރަސްއަޅާނެ ޤާނޫނީ ސަބަބެއް ނެތްކަން، ސުޕްރީމް ކޯޓުގެ ނިންމެވުމުން ވަރަށް ބޮޑަށް ސާފުވާ ކަމުގައި ރައީސް ވިދާޅުވިއެވެ." (މަސްދަރު: މިއަދު ނޫސް)
ހިންޏެއް އަޅެ ނާންނެހެއްޔެވެ. ސުޕުރީމު ކޯޓުން މައްސަލަ ބޭރުކޮށްލީ ސަރުކާރަށް ގާނޫނީ ލަފާދިނުމަކީ އެކޯޓުގެ ޒިންމާއަކަށް ނުވާތީކަމަށް ބުނެފައެވެ. އަތަށް ގޮވުމުންވެސް ބުނާނީ 6 ކުޅި ކުރިއަށް ކުޅެމޭ ހެއްޔެވެ؟ ބަލަ، ބުއްދިވެރިކަމެއް ކުރަންޏާމު ކައިރީގައި ތިބި ކަޑުކޮހުން އެއްފަރާތްކުރާށެވެ. ހަރު އެއްޗެއް އެޅޭނީވެސް އޭރުންނެވެ.
Posts
0 comments: on "ސުޕުރީމް ކޯޓުން މައްސަލަ ބޭރުކޮށްލުމުން އޭގެން މާނަ ނެރެފި"
Post a Comment