މާޖިދް އަބްދުލް ވައްހާބަކީ ދިވެހި އާއިލާއަކަށް އުފަން، ރަސްމަތިފުޅުން އައިސް ހުރި މީހެއްކަމަށް ދައުވާކުރާ، މިހާރު ނިޔުޒިލޭންޑުގައި ދިރިއުޅޭ ބޭފުޅެކެވެ. މިހާރު އަޕުޑޭޓު ނުކުރިއަސް، މީނާވަނީ މޯލްޑިވްސް ރޯޔަލް ފެމެލީއޭ ކިޔާ ވެބްސައިޓެއް ހިންގާފައެވެ. މިސައިޓުގައި ދިވެހި އާދަކާދަތަކާއި ތާރީހު ލިޔުމުގެ ނަމުގައި ވަނީ އިސްލާމުދީނަށް ފުރައްސާރަކޮށްފައެވެ. އިސްލާމުދީނަށް ފުރައްސާރަކުރުމާއި ރަސޫލާއަށް ބަދުބަސް ބުނުމަކީ މިބޭފުޅާގެ އެއް މޮޓޯކަމަށްވަނީ ހަދާފައެވެ. މީނާގެ ލާދީނީ ލިޔުންތައް ފެނިގެން އެތަކެއް ދިވެހިންނެއް ވަނީ ޗެޓު ވަސީލަތްތަކުގެ އެހީގައި މީނާއާ މެދު ސުވާލުކޮށްފައެވެ.
ނަމަވެސް، މީނައަކީ އަމިއްލަ ނަފްސާނީ ބިރުވެރިކަމެއްގެ ތެރޭގައި އުޅޭ މީހެއް ކަމުން އެހެން ދިވެހިން ކުރާ ސުވާލުތަކަށް ޖަވާބުދިނުމުގެ ބަދަލުގައި އޮޅުވާލުމާއި ވާހަކަ ބައްދަކޮށްލައެވެ. ޒައީމްގެ ދުވަސްވަރު އަބަދުވެސް ހުރީ އިންޓަޕޯލު މެދުވެރިކޮށް އަތުލައިގެން މާލެ ގެނެސްފާނެކަމުގެ ބިރުވެރިކަމެއްގައެވެ. އަންނިގެ ވެރިކަން ފެށުމާ އެކު މީނާ ހަށިފޮޅާލައި މީނާ ކުރިން ލައިގެން ހުރި ހެދުން މިވަނީ ބާލާފައެވެ. އެއީ އިސްލާމެއް ކަމުގައި ދިވެހިންނަށް އޮޅުވާލައިގެން އުޅުނު އުޅުމެވެ. މިހާރު އޭނާވަނީ އޭނަގެ ހަގީގަތް ފާޅުކޮށްފައެވެ.
އޭނަ މިވަނީ މާތްﷲ ހަޒުރަތުގައި ގަބޫލުކުރެވޭނެ ކަމަށް އެކަލާނގެ ވަހީކުރެއްވި ހަމައެކަނި ދީން ކަމަށްވާ އިސްލާމްދީން ދޫކޮށްލައި، އީސާގެފާނު އެކަލޭގެފާނުގެ އަދާވާތްތެރިންގެ ކިބައިން ސަލާމަތްކުރެއްވުމަށްޓަކައި އުޑަށް އުފުއްލެވުމުން ބަޔަކު މީހުން ހައްގާއި ބާތިލް މަސްހުނިކޮށްގެން ހަދައިގެން އުޅޭ ނަސާރާދީނަށް ވަދެ، ތިމާ މީހާގެ ނަން ކްރިސް އަބްދުލް ވައްހާބަށް ބަދަލުކޮށްފައެވެ. އަދި މީނައަކީ ނަސާރާދީނަށް ގޮވާލައި އެކަމުގައި އަމަލީގޮތުން އުޅޭމީހެއްކަންވެސް އެގި ހާމަވެއްޖެއެވެ. ނިޔުޒިލެންޑުގައި ހުންނަ ނަސާރާ ފައްޅިއަކުން ހިންގާ ސެއިންޓް ޕޯލް އިސްކޫލުގެ ވެބްސައިޓު ބަލަހައްޓަނީވެސް މީނައެވެ. އެއީ ނެލްސަންގެ ސެލިސްބަރީ ރޯޑްގައި ހުންނަ ފާދިރީންގެ ބެލުމުގެ ދަށުން ހިންގާ އިސްކޫލެކެވެ.
މީނާގެ އެންމެ ގާތް ރަހުމަތްތެރިޔާ އަދި އިސްލާމުދީނަށް ފުރައްސާރަކޮށް ލިޔެއުޅުނު އޮސްޓުރޭލިޔާ މީހަކާ އިދެގެން އުޅުނު ފަރީޝާ އަބްދުއްލޯ އަށް ވަނީ ރައީސް އޮފީހުން މިނިސްޓަރުގެ ނައިބު ފެންވަރުގައި ވަޒީފާދީފައެވެ. ރާއްޖޭގައި އެހެންދީންތަކުގެ ފައްޅި ނޭޅިގެން ނުނިދިގެން އުޅޭ ބަޔަކީ ރައީސް އޮފީހުގައި އުޅޭ މިފަދަ ގުރޫޕެކެވެ. އަންނިއަކީ މީދާކޭ އުނބެއްކަމުން ކޮންމެ މީހަކު ކޮންމެ އެއްޗެކޭ ކިޔަސް، އެމްޑީޕީ ދެފަޅިވިޔަސް، ގައުމު ހަލާކުވިޔަސް، ގައުމުގެ މިނިވަންކަން ދިޔައަސް އެހުރީ އެވެރިންގެ ކަންތައް ކޮށްދިނުމަށް ފޫގަޅާފައެވެ.
މާޖިދް އަބްދުލްވައްހާބު (މިހާރު ނަމަ ކްރިސް އަބްދުއްވައްހާބު) ގެ މައްޗަށް ހުރި ހިތާމައެއްގެ ބޮޑު ކަމާއެވެ. އޭނާ އެވަނީ ބަލާގާތްތެރިކަމާއި ކިޔެވުމުގައި މޫރިތިކަމާއި އިލްމީ ހަގީގަތްތައް އެފޮތަކުން ފެނި އެތަކެއް ބަޔަކު އިސްލާމުވި ކަލާނގެ ބާއްވާލެއްވި އެންމެ ފަހުގެ ފޮތް ކަމަށްވާ ކީރިތި ގުރުއާން ދޫކޮށްލައި، އެތަކެއް ވާޝަންތަކެއް އޮތް، އެތަކެއް ހިލާފުތަކެއް ފާޅުކަން ބޮޑުގޮތެއްގައި ފެންނަން ހުރި، އަދި ބުއްދި ގަބޫލުކުރަން ދަތިއެތަކެއް ވާހަކަތަކެއް ހުރި، އަދި އެފޮތުގެ މަސްދަރާމެދު އެފޮތުގެ އިލުމުވެރިންވެސް ދެބަސްވާ ބައިބުލް ކަލާނގެ ވަހީ ބަސްފުޅުކަމުގައި ގަބޫލުކޮށްފައެވެ.
ދުނިޔޭގައި މީހުން ގަބޫލުކޮށް އުޅޭ ދީންތަކަށް ބަލާއިރުވެސް ނަސާރާދީން ހާ އަގީދާގެ މައްސަލަތަކުގައި އެހާބޮޑު އަރާރުންތަކެއް ހުރި ދީނެއްނެތެވެ. އެއްބަޔަކު އީސާގެފާނަކީ ކަލެއްކަމުގައި ދެކޭއިރު އަނެއް ބަޔަކު އެކަލޭގެފާނަކީ ކަލާނގެ ދަރިކަލެކޭ ނުވަތަ ކަލާނގެ ކިބައިން ބަޔެކޭ ކިޔައެވެ. މަރިޔަމްގެފާނަށް އިންސާނެއްގެ ދަރަޖަ އެއްބަޔަކު ދޭއިރު އަނެއްބަޔަކު އެކަމާނަށް ކަލާނގެ މަންމަގެ ލަގަބުދީ އުޅެތެވެ. ކެތޮލިކް ކުރިސްޓިއަނުންނާއި ޕުރޮޓިސްޓަންޓް ކުރިސްޓިއަނުން ދެބައިމީހުންގެ ބައިބުލްގައި ފޮތުގެ އަދަދު ކިޔަނީ ތަފާތުކޮށްނެވެ. އަގީދާގެ މައްސަލަތައް ބޮޑުކަމުން ތަފާތު ދެދީނެކޭ ހީވެދާނެއެވެ.
އަގީދާގެ މައްސަލައަކީ ބުރިޓޭނިއާ އެންސައިކުލޮޕީޑިޔާ ބުނާގޮތުން އީސާގެފާނަށް ފަހު 3 ވަނަ ގަރުނުގައި އޭގެ ސަބަބުން ބޮޑު ހަމަނުޖެހުން ގަނޑެއް ހިނގާދިޔަ ކަމެކެވެ. އެއީ އީސާގެފާނަކީ އިންސާނެއްކަމަށާއި ރަސޫލެއްކަމަށް ގަބޫލުކުރި ބަޔަކާއި އީސާގެފާނަކީ ކަލެއްކަމަށް ގަބޫލުކުރި ބަޔަކާ ދެމެދު ބޮޑެތި ކުރިމަތިލުންތަކެއް ހިނގާދިޔަ ގަރުނެކެވެ. މިކަން ނިމުނީ ރޫމުގެ ރަސްގެފާނު ބޭއްވި ބޮޑު ދީނީ މަހާސިންތާއަކުން އީސާގެފާނަކީ އެއްކައުވަންތަ އިލާހެއްގެ ތިންކައުވަންތަ ބައިތަކުގެ އެއްބައިކަމުގައި ނިންމި ބައްދަލުވުމެވެ. އަދި އީސާގެފާނަކީ އިންސާނެއްކަމަށާއި ރަސޫލެއްކަމަށް ގަބޫލުކުރި މީހުން ގަތުލުކޮށް، އެމީހުންގެ އިންޖީލުތައް އަންދާލެވުނެވެ. ނަމަވެސް، އެމަހާސިންތާއިން ނިންމި ނިންމުމަކީ ބުއްދި ގަބޫލުކުރެވޭ ކަމަކަށް ނުވެފައި އަދި އެއްކައުވަންތަ އިލާހެއްގެ އަގިދާއާ ފުށުއަރާތީވެ ރޫމުގެ އެރަސްގެފާނުވެސް އެންމެ ފަހުން ނިޔާވީ އީސާގެފާނަކީ އިންސާނެއްކަމާއި ރަސޫލެއްކަމުގެ އަގީދާގެ މަތީގައެވެ.
އީސާގެފާނަކީ އިންސާނެއްކަމަށާއި ރަސޫލެއްކަމަށް ގަބޫލުކުރި މީހުންނަށް ކިޔާއުޅުނީ އޭރިއަނުންނެވެ. ފަހުން ރޫމްގެ ވެރިކަމުގައި މުޅި ޔޫރަޕުގައި އަނިޔާވެރިކަމާއެކު އީސާގެފާނުގެ ކަލާންގެ ވަންތަކަމުގެ އަގީދާ ފަތުރަން މަސައްކަތްކުރުމުން އެއްކައުވަންތަ އިލާހަށް އީމާންވީ މީހުން ނުވަތަ އޭރިއަނުން ހިޖުރަކުރީ ރަޝިޔާއަށާއި އުތުރު އެފުރިކާއަށެވެ. އިސްލާމްދީނުގެ ނޫރު ފެތުރުމާއެކު އަގީދާގެ އެއްގޮތްކަމުން ދާދިފަސޭހައިން އެމީހުން އިސްލާމުދީން ގަބޫލުކޮށް އޭރިއަން އަގިދާގެ މީހުން ހުސްވިއެވެ. މިއަދު ރަޝިޔާއިން އިސްލާމީ ދައުލަތްތަކުގެ ގޮތުގައި އެފެންނަނީ އެމީހުންގެ ކާފަދަރިންނެވެ. އަދި އުތުރު އެފުރިކާގެ ގައުމުތަކުގައި އެތިބަ މީހުންނަކީވެސް އެމީހުންގެ ދަރިންނެވެ.
އަހަރެމެން އެދެނީ މާޖިދަކީ ބުއްދީގެ އަހުލުވެރިއެއްކަމަށް ގަބޫލުކުރާ ހާލު، ތިރީގައިވާ ލިންކުތަކުން ފަށައިގެން އަމިއްލައަށް ދިރާސާކޮށް ހައްގުގޮތް ހޯދުމަށެވެ. އަދި ނަރަކައިންގެ އަޒާބުން ރައްކާތެރިކޮށްދެއްވުމެވެ. އެހެނަސް، ބޮޑާވެ ކިބުރުވެރިވާ މީހުންނަށް އެކަލާނގެ ތެދުމަގު ނުދައްކަވާކަން އެކަލާނގެ ފޮތުގައި އޮންނަކަމަށް ހަދުމަކޮށްދެމުން ލިޔުން ނިންމާލަމެވެ.
ގުޅޭ ލިޔުން
The Council of Nicaea and the Bible
Posts
0 comments: on "ރޯޔަލް މާޖިދް އިސްލާމްދީނަށް ފުރައްސާރަކުރީ ކީއްވެ؟"
Post a Comment