ސާފު ކަޕުގައި ދިވެހިގައުމީ ޓީމު ބަލިވުން: ޖީއެމްއާރު އާއި އަލީވަހީދު

ސާފު ކަޕުގެ ކުޅުމަށްބަލާއިރު އެންމެ ފާހަގަކުރެވުނު ކަމަކީ އެހެން މެޗުތަކާ ބަލާއިރު ސެމީ ފައިނަލުގައި ދިވެހި ޓީމަށް އިންޑިޔާއާ ދެކޮޅަށް ނުކުޅުވޭކަމެވެ. އަދި ގަދައަށް ކުޅޭ މީހުން ޓީމަށް ނާރުވައި ކުޅުވާތަނެވެ. އަދި ގަދައަށް ކުޅެމުން ދިޔަ ކުޅުންތެރިއަކު ބޭލިކަމަށް އިންޑިޔާ ކޯޗުވެސް ނޫސްވެރިންނަށް ދިން އިންޓަވިޔުއެއްގައި ފާހަގަކުރިއެވެ. އަދި ގިނަ މިސްޓޭކުތަކެއް ހަދަމުން ދިޔަ ކުޅުންތެރިއަކު ބަހައްޓައިގެން ކުރުވީ ކޮން ކަމެއްތޯ ސުވާލު އުފެދެއެވެ.

ޖީއެމްއާރުން ބޭނުންވާނީ އިންޑިޔާ ޓީމު މޮޅުވާށެވެ. އަލީވަހީދުއަކީ ގައުމީ ޓީމުގެ ކޯޗު ނަމަވެސް ރާއްޖެ އުޑުދަށުގައި ހުރި އެއްމެ ކޮރަޕްޓު އަދި ޖީއެމްއާރަށް ގަންނެލަން ފަސޭހަ މީހާއެވެ. ގައުމީ ކޯޗަށް މުހިއްމު ވާނީ ގިނައިން ލާރި ދޭމީހެކެވެ. ގިނައިން ލާރި ދިން ކޮޅަކަށް ކަންތައް ކޮށްދީފާނެކަމަށް ބެލެވެނީ އެހެންވެގެންނެވެ. މިކަމުގައި ކޯޗާއި އަލީވަހީދު އެއްބައިވެގެން ޖީއެމްއާރު ބޭނުންވާ ގޮތަށް ދިވެހިންގެ މައްޗަށް އިންޑިޔާއަށް ކުރި ހޯދައިދީ ހެއްޔެވެ؟

ކޮންމެ ގޮތަކަށް ވިޔަސް، މިކަމުން ލިބި ގަންނަންވީ ފިލާވަޅަކީ އަލީވަހީދުމެން ކަހަލަ ދެދަޅައަށް ކުލަބަދަލުވާ ދެފުށް ކެހެރިންނަށް ދިވެހިން އިތުރަށް ފާރަލާން ވެއްޖެކަމެކެވެ. އަދި ސިޔާސީ މަގާމެއް ނޫން އެހެން މަގާމެއްވެސް މިފަދަ މީހުންނަށް ނުދޭންވީއެވެ. އެހެން ނޫނީ ލާރީގެ ބޭނުމުގައި ގައުމުވެސް ވިއްޔާލަ ފާނެއެވެ.